EML India

ఓటీటీలో నారప్ప.. ఫ్యామిలీ ఆడియన్స్‌కి వెంకటేష్ మెసేజ్…..

Share on facebook
Facebook
Share on twitter
Twitter
Share on linkedin
LinkedIn
Share on whatsapp
WhatsApp
Share on telegram
Telegram
Share on email
Email
narappa in OTT

‘నారప్ప’ మూవీ రిలీజ్ విషయంలో గత కొన్ని రోజులుగా నడుస్తున్న చర్చలకు ఫుల్‌స్టాప్ పెట్టేసింది చిత్రబృందం. ‘నారప్ప’ను ఓటీటీ ద్వారానే రంగంలోకి దించుతున్నట్లు అధికారిక ప్రకటన ఇచ్చింది.

  • వెంకటేష్ 74వ సినిమాగా ‘నారప్ప’
  • ప్రియమణి ఫీమేల్ లీడ్ రోల్

షూటింగ్ కంప్లీట్ చేసుకొని ఎప్పుడో రిలీజ్‌కి రెడీ అయిన ‘నారప్ప‘ సినిమా థియేటర్స్‌లో రానుందా లేక ఓటీటీలో రిలీజ్ చేస్తున్నారా? అనే దానిపై గత కొన్ని రోజులుగా నడుస్తున్న చర్చలకు ఫుల్‌స్టాప్ పెట్టేసింది చిత్రబృందం. ‘నారప్ప’ను ఓటీటీ ద్వారానే రంగంలోకి దించుతున్నామని పేర్కొన్నారు మేకర్స్. ఈ మేరకు అఫీషియల్ స్టేట్‌మెంట్ ఇస్తూ రిలీజ్ డేట్ కూడా అనౌన్స్ చేశారు.

ఓటీటీ ప్లాట్‌ఫామ్ అమెజాన్ ప్రైమ్ వీడియోలో ‘నారప్ప’ మూవీ ప్రసారం కాబోతోంది. జులై 20వ తేదీ నుంచి ఈ మూవీ స్ట్రీమింగ్ కానున్నట్లు చిత్రయూనిట్ తాజాగా ప్రకటించింది. ఈ మేరకు కొత్త పోస్టర్ రిలీజ్ చేశారు. అయితే ఇదే విషయాన్ని తన సోషల్ మీడియా ఖాతా ద్వారా వెల్లడించిన హీరో వెంకటేష్.. ”నారప్ప కోసం ఎంతోమంది ఫ్యాన్స్ ఆతృతగా ఎదురుచూస్తున్నారు. ఇక మీ మీ కుటుంబ సభ్యులు, ప్రియమైన వాళ్ళతో హాయిగా ఎంజాయ్ చేస్తూ సినిమా చూసేయండి” అని పేర్కొన్నారు.

తమిళంలో ధనుష్ నటించిన ‘అసురన్’కు రీమేక్‌గా తెలుగులో ‘నారప్ప’ ప్రేక్షకుల ముందుకు రాబోతోంది. సురేష్ ప్రొడక్షన్స్, వి క్రియేషన్స్ బ్యానర్లు సంయుక్తంగా సమర్పిస్తున్న ఈ చిత్రానికి శ్రీకాంత్ అడ్డాల దర్శకత్వం వహించారు. వెంకటేష్, ప్రియమణి హీరోహీరోయిన్లుగా నటించగా.. రావు రమేష్, రాజీవ్ కనకాల కీలక పాత్రలు పోషించారు. మణిశర్మ బాణీలు కట్టారు. ఈ సినిమా నుంచి రీసెంట్‌గా విడుదలైన ‘చలాకీ చిన్నమ్మి’ సాంగ్ సినిమాపై ఆసక్తి పెంచేసింది. వెంకటేష్ కెరీర్‌లో 74వ సినిమాగా ఈ మూవీ రిలీజ్ కాబోతోంది.

Share on facebook
Share on twitter
Share on linkedin
Share on google
Share on whatsapp
Share on email
Share on pinterest
Share on reddit
Share on telegram
Share on tumblr